娛樂新聞
?

朱茵巴黎時裝周瘋狂血拚


[2019-10-03] - 495人點閱
???????? 「性感女神」朱茵近日受邀出席巴黎時裝周,觀賞時裝騷,又分別換上性感撩人的魚尾貼身長裙,和型格十足的橘色西裝登場,展現截然不同的魅力。第三次受邀參加時裝周的朱茵,心情仍然興奮,「我覺得出席時裝周最好玩嘅地方,就係可以嘗試平日較少接觸嘅衣著打扮,同時以朝聖嘅心態,吸收最新時尚資訊。喺巴黎短短幾日,見到當地人喺穿搭上充滿自信,呢方面好值得我哋借鏡,每個人都應該具備自信。」
???????? 朱茵除了對於時尚甚有心得,更尤其注重養生,「對我嚟講,養生比一切重要,因為養生係由內到外,當你擁有一副健康嘅身體,皮膚自然會好,亦有自信駕馭不同造型。」
???????? 至於她的時尚顧問,原來是最親密的枕邊人黃貫中(Paul):「平日經常同老公交流時尚心得,我最鍾意問佢意見,佢一話顯肥,我就唔會買;如果佢話靚,我就一定會買,始終佢曾經攞過『十大衣著人士』,同埋佢係一個唯美主義者,所以我絕對相信佢嘅眼光,呢一種時尚交流,都係兩公婆的情趣,哈哈。」
????????? 愛美的朱茵攞正牌獎勵自己,「今次應該係出血最多的一次,淨係鞋都買咗五對,仲有衫同手袋!不過我都冇忘記老公同囡囡,明日係喺巴黎的最後一日,我會留足全日為他們『血拚』。」血拚再有樂趣,也難及家人團聚,朱茵完騷後只會逗留一天便匆匆回港,「留一日已經夠奢侈,自己都歸心似箭,因為囡囡現在讀小學,好多嘢要兼顧,媽媽的支持係好重要,我返到香港第二日就要參加阿女學校活動,所以都要趕返去,同埋我真的好掛住她們啊!」


上題 : 演曖昧房東上演英雄救美 古天樂送蛋糕 補祝宣萱生日

下題 : 見證內地影視業不斷進步 華哥紅姐指人才濟濟 視野廣闊

苏州e球彩论坛